ਗ਼ਜ਼ਲ

ਹਰਿੱਕ ਚਾਹਤ ਮੁਕਾ ਦਿੱਤੀ,ਹਰਿੱਕ ਹਰਕਤ ਮੁਕਾ ਦਿੱਤੀ
ਤੂੰ ਮਛਲੀ ਨੂੰ ਜੁਦਾ ਕਰਕੇ ਮੁਹੱਬਤ ਨੂੰ ਸਜ਼ਾ ਦਿੱਤੀ......

ਜੇ ਚਾਹਾਂ ਵੀ ਜ਼ਜੀਰਾ ਛੱਡ ਕੇ ਕਿਧਰੇ ਜਾ ਨਹੀਂ ਸਕਦਾ,
ਮੈਂ ਸਰਦੀ ਦੇ ਦਿਨਾਂ ਅੰਦਰ,ਹਰਿੱਕ ਬੇੜੀ ਜਲਾ ਦਿੱਤੀ....

ਅਜੇ ਤੀਕਰ ਵੀ ਖ਼ੁਸ਼ੀਆਂ ਦਾ ਕੋਈ ਨੁਸਖ਼ਾ ਨਾ ਲੱਭ ਸਕਿਆ,
ਮੈਂ ਸਾਰੀ ਉਮਰ ਹੀ ਪ੍ਰਯੋਗਸ਼ਾਲਾ ਵਿਚ ਲੰਘਾ ਦਿੱਤੀ...

ਮੈਂ ਪਰਲੇ ਪਾਰ ਜਾਣਾ ਸੀ,ਤੂੰ ਉਰਲੇ ਪਾਰ ਆਣਾ ਸੀ,
ਮਲਾਹਾਂ ਦੀ ਲੜਾਈ ਨੇ ਤਾਂ ਬੇੜੀ ਹੀ ਡੁਬਾ ਦਿੱਤੀ...

ਮੁਹੱਬਤ ਦੀ ਕਹਾਣੀ ਤਾਂ ਉਦਾਸੀ ਤੀਕ ਪਹੁੰਚੀ ਏ,
ਮੈਂ ਜਿਸ ਨੂੰ ਹਾਰ ਪਾਣਾ ਸੀ ਉਹਨੇ ਗਰਦਨ ਕਟਾ ਦਿੱਤੀ...
-----------------------------------------------

             ghazal -dr sushil raheja

harik chahat muka  ditti, harik harkat muka ditti.
tu machli nu juda kar ke muhabatt nu saza ditti

ma chaha v jajeera chadd ke kidhre ja nahi sakda,
ma  sardi  dey  dina  ander  harik  beri  jala ditti.

aje teekar v khushia da koi nuskha na labh sakya
ma sari umar hi paryogshala which langha ditti.

ma parle paar  jaana si,tu urle paar aana si,
mlaaha di  laraie ne ta beri hi  dubba   ditti.

muhabat  di   kahani ta udasi  teek  pujji a,
ma jis nu haar paana si,ohne gardan kata ditti.