ਧਰਤੀ ਦੀ ਹਿੱਕ 'ਤੇ
ਸ਼ੂਟਿੰਗ
ਚੱਲ ਰਹੀ ਏ ।
ਹਵਾਵਾਂ ਦੇ ਗੀਤ
ਦਰਿਆ ਗਾ ਰਹੇ ਨੇ
ਰੁੱਖਾਂ ਲਈ
ਪੰਛੀ ਧੁਨ ਵਜਾ ਰਹੇ ਨੇ ।
ਸਪਾਟ ਬੁਆਏ
ਏਧਰ ਓਧਰ ਭੱਜ ਰਹੇ ਨੇ
ਕਿਧਰੇ ਦਰਖ਼ਤ
ਕਿਧਰੇ ਬਜ਼ਾਰ
ਸੱਜ ਰਹੇ ਨੇ ।
ਕੋਈ ਚਾਹ ਦੀ ਪਿਆਲੀ ਚੁੱਕਦਾ ਏ
ਕੋਈ ਕੁਰਸੀ ਛਾਂਵੇ ਰੱਖਦਾ ਏ
ਕੋਈ ਖਾਣਾ ਪਕਾ ਰਿਹਾ ਏ
ਕੋਈ ਪੱਖਾ ਲਗਾ ਰਿਹਾ ਏ ।
ਇਸ ਫ਼ਿਲਮ ਦੇ ਅਣਗਿਣਤ ਪਾਤਰ ਨੇ
ਕੁਝ ਭੋਲੇ, ਕੁਝ ਸ਼ਾਤਰ ਨੇ
ਚੰਨ ਲਾਇਟ ਜਗਾਉਂਦਾ ਏ
ਸੂਰਜ ਟਰਾਲੀ ਘੁਮਾਉਂਦਾ ਏ ।
ਨਿਰਦੇਸ਼ਕ ਸਦਾ ਮੌਨ ਰਹਿੰਦਾ ਏ
ਕੈਮਰਾ ਸਦਾ ਆੱਨ ਰਹਿੰਦਾ ਏ ।
All the world's a stage,/
ReplyDeleteAnd all the men and women merely players;/
They have their exits and their entrances,/
And one man in his time plays many parts ...
(Shakespeare)
Ryt Sir
ReplyDelete